Kasunod it rekomendasyong bukon eon it mandatory ro pagsuksok it face mask sa guwa, nga gin-aprubahan eon sigon ni Pangueong Bongbong Marcos, dapat sa gihapon nga mas pili-on kun ano ro mas safe.
Posibleng mas komportable eon kita nga owa it suksok nga mask, eabi eon kon sa guwa ukon sa crowded nga lugar ag maayos ro bentilasyon, apang dapat gihapo nga maging madahan.
Pirme sa gihapon nga magdaea it face mask para anumang kahigayunan hay haum kita.
Kumbaga, maskin kita hay sa guwa, indi malikawan nga gulping makaangkon it pagdueutdutan.
Ag syempre, may kahigayunan nga halin sa guwa, magasueod gihapon kita sa mga establisimyento nga required mag-face mask.
Samtang, kun may paghaeuga man sa outdoor areas, nagpaandam man ro Department of the Interior and Local Government (DILG) sa mga Local Government Units (LGUs) nga sanda hay magapanabat kon indi ipatuman ro mandatory nga pagsuksok it face mask sa mga indoor events.
Indi puwedeng may makalipat ag magpabaya kontra sa COVID-19.
Hinay-hinay eang hasta nga eubusan eon naton nga makontrol ro sitwasyon sa tunga it paeag it COVID.
Padayun kita nga magsunod sa mga polisiya it Inter-Agency Task Force (IATF), ag indi maging pasaway.
Siguraduhon naton nga ro mga paghaeuga nga gina-obra hay indi man magabutang katon sa aeang-aeang.
Bukon eamang ro COVID-19 pandemic ro atong kaaway, may pangabuhian pa kita nga igabangon ag bangud nga indi eon magapatuman it lockdown, kinahangean naton nga maging mas madahan ag mabakod.
