NATIONAL News — Magapatigayon it field testing sa automated election system (AES) ro Commission on Elections (Comelec) sa 14 nga mga lugar sa nasyon sa Sabado bilang pagpahaum para sa 2025 midterm elections.
Ginpahayag ni Comelec Chairman George Garcia nga ro testing sa 35 sites hay nagatuyo nga masiguro nga ro mga presinto ag canvass results hay maita-transmit pinaagi sa electronic transmission halin sa polling centers ag mga lugar it canvassing sa andang otorisadong destinasyon.
Ro field test hay pagahiwaton sa mga probinsya it Antique (3 sites), Batanes (4), Davao del Sur (3), Palawan (4), Tawi-Tawi (4), ag sa Special Geographic Area (4).
Sa National Capital Region, ro testing hay pagahiwaton sa Manila kun sa siin 2 sa Sampaloc; 2 sa Pateros ag 2 sa Taguig City.
Para sa overseas, ro mga lugar hay sa Asia Pacific — Japan (Tokyo Philippine Embassy); United States of America: (New York Philippine Consulate General and Philippine Embassy, Washington, D.C.); Middle East ag Africa: United Arab Emirates (Abu Dhabi Philippine Embassy); ag Europe: Athens (Athens Philippine Embassy).
Ginpahayag it Comelec nga ro field testing hay ginaeakipan it User Acceptance Test and Automated Counting Machine (ACM), Consolidation and Canvassing System (CCS), Online Voting and Counting System (OVCS), ag transmission hardware ag applications.
Raya hay sangka pag-testing sa mga makina, aplikasyon, paghatud, ag pamaagi nga ginahimo sa sangka aktwal nga lokasyon kun sa siin raya hay pagagamiton sa adlaw it eleksyon.
