Kumpiyansa si Finance Secretary Ralph Recto nga maabot it Pilipinas ro “A” credit rating sa dag-on 2028.
Raya hay bangud sa padayon nga namantine it Pilipinas ro mabaskog nga investment outlook sa pihak it pabag-o-bag-ong global economic environment.
Gin-insister it finance chief nga conscious ro gobyerno sa mga programa ag target nga maabot ro tanan nga rating agencies hay magatao it grade A sa Pilipinas maskin A minus pa raya.
Mag-eowas sa Moody, gintaw-an man it “upgrade credit rating” sangka Japanese rating agency ro Pilipinas halin sa rating nga R&I.
Suno sa opisyal, mabahoe nga bulig para mapabilin nga mabaskog ro investment outlook it nasyon hay ro medium term fiscal framework plan it gobyerno.
Gin-insister ni Recto nga sa makaron hay padayon ro pag-umwad it ekonomiya it Pilipinas ag pamatuod kara ro pagnaba it inflation.
Paathag pa ni Recto nga ro fiscal framework plan hay tuyo nga panabaon ro deficit it 3.8% sa dag-on 2028.
