KALIBO, Aklan — Nag-abot eon sa masobra sa 400 ro numero it foreign tourist arrival sa Isla it Boracay ko buean it Pebrero.
Sa datos it Malay Tourism Office, sa kabilugan nga 80,882 nga mga turista umpisa Pebrero 1-28, 2022, 434 kara ro dumueuong, 353 ro overseas Filipino workers ag overseas Filipinos samtang 80,095 man ro domestic tourist nga kaabuan hay naghalin sa National Capital Region (NCR).
Mas pang ginpabaskog it Malay Municipal Police Station ro kampanya kontra sa tanan nga klase it kriminalidad sa isla agud nga masiguro ro kaeowasan ag seguridad it mga lokal ag dumueuong nga turista kontra sa mga kawatan makaron nga ginhaeugaan eon ro health and safety protocols.
Tanan nga mga bakunadong turista hay pwede eon nga makasueod sa Boracay sa oras nga makabo-oe it “Quick Response” ukon QR Code via online Health Declaration Card (OHDC) pinaagi sa website it aklan.gov.ph.
