Ginkumpirma it Bureau of Immigration (BI) nga nakabalik eon it Pilipinas si dating Department of Public Works and Highways (DPWH) Secretary Manuel Bonoan halin sa Taipei, Taiwan.
Ginpahayag it BI nga nag-abot si Bonoan sa Ninoy Aquino International Airport (NAIA) adlaw it Dominggo, Enero 18 sakay it sangka China Airlines halin sa nasambit nga nasyon.
Mag-eowas kara hay uwa sigon it kaibahan ro dating opisyal kat nagbalik it Pilipinas ag insigidang ginpasayod ni Immigration Commissioner Joel Anthony Viado sa Department of Justice (DOJ) ro pagbalik ni Bonoan para eon man sa mga nagapadayon nga tikang sa pagtalakay gihapon sa mga isyu nga may kaangtanan sa flood-control anomalies.
Madumduman nga ginbutang sa BI Lookout Bulletin Order si Bonoan sandig sa naging mando it DOJ bangud gihapon sa mga nasambit na isyu nga nagalibot sa mga nasambit nga anomalya.
