KALIBO, Aklan — Owa eon it kabuhi kat masapwan ro sangka 48-anyos nga German national nga gina dudahang gin atake sa tagipuso-on sa sueod it sangka kwarto it gina dayunan nga resort sa isla it Boracay.
Naga huray-ag kat maabutan it anang live-in partner nga si Elsa Sancho ro biktimang si Kondrad Lothar Beckman, taga-Germany ag naga bakasyon eamang sa isla.
Suno sa Boracay Tourist Assistance Center (BTAC), nag agto eamang sa sangka therapist si Sancho ag gin aywanan nga naga pahuway ro biktima apang, sa anang pagbalik hay owa eon raya it kabuhi.
Insigidang gin daea sa klinika ro biktima apang, gin deklarang dead on arrival it mga doktor.
Sa makaron hay nakahaya ro bangkay it biktima sa sangka funeral parlor sa mainland Malay.
Nakikipag-angot eonman ro mga otoridad sa Embahada it Germany agud ipahisayod ro pagkamatay ni Beckman.
