KALIBO, Aklan – – – Kasakitan sa baeatyagon ag kaeawasan ro gin-agum it sangka eaeaki matapos nga ginbasted it anang ginapangasawa ag ginkabuligan pa nga bugbugon matapos nga mag-amuk sa barangay Mantigid, Makato.
Ro biktima hay nakilaea hay Romulo Dela Pena, 18 anyos.
Base sa initial nga imbestigasyon it Makato PNP nag-adto sa panimaeay ni Cristy Tolic, 22 anyos ro biktima.
Ginasugid nga nagpumilit raya nga magsueod sa panimaeay apang ginbalibaran imaw it babaye bangud may fiance eon raya ag nakataeana nag igakasae sa maabot nga buean it Disyembre.
Bangod kara hay ginpunggan imaw it igkampod it babaye nga si Ramil Tolic apang nagpumilit sa gihapon.
Nag-angkon it pag-aeayatan sa tunga nanday Ramil ag Romulo kamana man ro mga kaibahan karang sanday Jay Micheal Mationg, 19 anyos ag Ryan Jay cawaling, 18 anyos.
Nag-angkon it lastro sa andang mga kaeawasan ro magtimbang nga parte.
Nasayuran dugang nga sa idaeom it impluwensiya it makahieilong nga ilimnon ro tatlo ka mga suspek.
