NATIONAL News — Sangka gina-proponer nga laye ro nagasueong nga makaangkon it an-um nga dag-on nga fixed term ro mga barangay ag Sangguniang Kabataan officials ro gindihon sa Kamara.
Ro House Bill No. 10747 hay gin-author ni House Speaker Martin Romualdez ag 6 nga iba pang mamalidha nga nagatuyo nga makaangkon it “continuity” sa mga programa ag proyekto sa barangay level.
Samtang, ginaduso man ni Romualdez ro proposisyon nga makaangkon it Social Security System (SSS) membership ro tanan nga barangay officials.
Ro proposisyon hay ginhimo ni Romualdez matapos ro pakikipag istorya kara kay SSS president Rolando Macasaet.
Ginpahayag ni Romualdez nga gina-konsidera eon nga maipasa sa Kamara ro sangka proposisyon nga magamandu sa mga local government units nga magtaeana it pondo para sa monthly SSS premium contribution it mga barangay officers.
