Nagbaskog pa bilang tropical storm Huwebes it gabi-i ro sangka tropical depression nga gina-monitor it Philippine Atmospheric, Geophysical and Astronomical Services Administration (PAGASA) sa sueod it Tropical Cyclone Information Domain (TCID) kara.
Sa update it PAGASA, naispatan ro maeain nga paniempo sa kaeayuon nga 2,805 kilometro nasidlangan it Northeastern Mindanao bandang alas-8 it gabi-i. Daea kara ro maximum sustained winds nga 65 kilometro kada oras maeapit sa tunga ag pagbugsong naga-abot sa 80 kph, samtang mahinay nga nagahueag paagto sa nakatungdan.
Suno sa PAGASA, ro TCID ro pinakamabahoe ag pinaguwa nga monitoring domain it ahensya.
Samtang, magadaea ro localized thunderstorms it magaeumon nga kaeangitan nga may kalhit-kalhit nga pag-uean ukon thunderstorms sa Metro Manila ag nabilin nga parte it nasyon sa masunod nga 24 oras.
