KALIBO, Aklan — Nakapresentar eon ro mga programa ag aktibidadis para sa soft opening it Boracay sa Oktubre 26.
Suno kay jetty port administrator Niven Maquirang, sambilog sa magiging highlight kara hay ro pagbukas sa Cagban jetty port sa isla.
Kapin pa sigon nga ginpanami ro pantalan nga imaw ro magasug-aeaw sa mga turista.
Ro ribbon cutting hay pagasundan it boodle fight sa nasambitang lugar.
Dugang pa ni Maquirang nga pila sa mga pagbag-o sa pantalan hay ro mas pinaeapad nga entrance ag exit it mga saeakyan.
Magagamit man sigon sanda it solar panel sa bug-os nga port nga ginta-o it sangka kompaniya halin sa Korea.
Sa pagsueod it mga turista sa port hay insigidang makit-an ro Boracay icon ag mabahoe nga billboard nga nagapakita sa bag-ong hitsura it isla.
