Nagpataas ro Bangko Sentral ng Pilipinas it benchmark rate kara it 25 basis points sa tunga it nagadasig nga inflation.
Raya ro kauna-unahang beses nga nagpataas it rate ro BSP umpisa 2018.
Ginsundan it BSP ro iba pang mga central banks sa nagkaeain-eain nga parte it kalibutan nga nagpataas man it interest rates sa paghana nga mapugngan ro nagasipa nga inflation samtang naga-umpisa pa eamang nga magbangon ro ekonomiya halin sa maging epekto it pandemya.
Madumduman nga nagtaas sa 8.3% ro gross domestic product (GDP) it Pilipinas sa unang quarter it dag-on.
Sa pihak kara, nag-abot sa 4.9% ro inflation rate ko Abril tuga it pagmahae it pagkaon ag presyo it langis.
Nauna eon nga ginpahayag ni BSP governor Benjamin Diokno nga igapatuman nanda ro policy normalization sa second half it 2022.
Samtang, ginaeauman eon sigon it BSP nga magadere-deretso ro pagtaas it inflation bangud sa epekto it nagapadayun nga giyera sa tunga it Russia ag Ukraine ag nagahugut nga global financial conditions.
