Halin kainang alas-12 it aga’aga Enero 12 ro pagpatuman it gun ban kadungan it pagpakalat it mga checkpoints angot sa nagahilapit nga May 2025 National ag Local Elections nga magabuhay it Hunyo 11, 2025.
Suno kay Commission on Elections (Comelec) Chairman George Erwin Garcia, sa idaeom it Republic Act No. 7166, ginabawae ro sinuman nga indibiduwal nga magdaea o gumamit it baril o anumang deadly weapon sa mga pampublikong lugar nga uwa it kaukulang permiso halin sa komisyon.
Partikular nga mga pulis ag sundalo eamang ro ginasugtan nga magdaea it armas apang kinahangean eamang nga nakauniporme, may pangaean ag nakabaehag kun siin nakataeana.
Ginabawae man ro pagbueo sa mga pulis bilang mga escorts o security.
Samtang, nakakalat eun man ro mga checkpoints sa nagkaeain-eain nga lugar sa nasyon kun siin ginpatuman ro “plain view doctrine”.
Apela ni Garcia sa publiko nga sumunod ag indi kahadlukan ro checkpoints bangud sa seguridad raya it tanan.
