PARIS – May sukoe ro Pilipinas apisar nga maisot ro mga atleta hay maisog bangud nga pursigido nga makauli it medalya para sa nasyon.
Suno kay Bombo International Correspondent sa Paris, France nga si Maryden Araneta nga may paeabuton pa nga hampang si Carlos Yulo sa pilang mga adlaw ag kampante man imaw sa mga boksingero it nasyon.
Dugang nana nga may gymnastics qualifications man nga himuon sa makaron ro atong mga pambato.
Para man kana nga maahoe nga oportunidad nga masaksihan ro Paris Olympics 2024 ag matawag nana nga “the best”.
Strikto man ro mga ginpatuman nga seguridad sa opening ceremony hasta raya hay matapos.
Samtang, maabo man sigon ro mga nagperform kapareho nanday Lady Gaga ag Celine Dion kun siin nagpangibabaw man ro limog it mga Pilipino sa paghilinugyaw.
