Gin-eksplikar it organizer it exhibition fight ni retired US boxer Floyd Mayweather ro owa hadayon nga hampang sa Dubai.
Suno kay Global Titans Fight Series nga andang ginkansela ro nasambit nga hampang ni Mayweather sa dating sparring partner kara nga si Don Moore bangud sa pagtaliwan it United Arab Emirates president Sheikh Khalifa bin Zayed Al Nahyan.
Nasayuran nga bangud sa pagtaliwan it pangueo hay ginpatuman ro 40-days of mourning kung siin tanan nga mga negosyo ag nagakaeain-eain nga establisyimento hay ginpasara.
Owa pa sigon it nakataeana nga bag-ong petsa para sa hampang it daywa.
Mataeopangdan nga raya kunta ro pangatlong exhibition fight ni Mayweather umpisa nga anang piyerdihon si Conor McGregor ku nagtaliwan nga dag-on it 2017 ag si Tenshin Nasukawa it Japan ku nagtaliwan nga 2018.
