Ginkasa eun it Philippine National Police (PNP) ro andang manhunt operation kontra kay dating spokesperson Harry Roque sa Mindanao kasunod it report nga nagatago raya sa nasambit nga rehiyon.
Suno kay PNP spokesperson Brigadier General Jean Fajardo, nakabaton sanda it report nga sa Mindanao nagatago si Roque bangud maabo raya nga abyan sa lugar.
Bangud kara, ginpadumdom ni Fajardo ro mga nagasakdag kay Roque nga mahimo makasuhan it obstruction of justice bangud sa pagtago it wanted nga indibwal.
Una eun nga gin-adtunan it PNP ro Central Luzon ag Calabarzon apang uwa nakit-an si Roque.
Nagapati si Fajardo nga sa nasyon gihapon si Roque base sa record it Bureau of Immigration (BI) apang nakapanaw eun it nasyon ku Setyembre 3 ro misis kara nga si Mylah nga dating miyembro it Board of Trustees it Home Development Fund (Pag-Ibig).
Nagpaguwa it arrest order ro Quad Committee kontra sa mag-asawa nga Roque matapos nga uwa kara gin-adtunan ro pagpamati angot sa imbestigasyon sa operasyon sa POGO sa Porac, Pampanga.
