POLICE Report — Sangka babayeng miyembro it LGBT community nga halin sa reunion ro natuslok it saesaeon sa abaga matapos mahueog halin sa balkonahe sa Talisay City, Cebu.
Base sa report, daywang oras pa antes nga nadaea sa ospital ro biktima.
Antes ro insidente, nasayuran nga halin sa reunion ag nakainom sigon ro 35-anyos nga biktima kat nag-uli sa andang baeay it aga-aga eon sa Barangay Bulacao.
Pag-agto it biktima sa gina-obra pa nga balkonahe hay nahueog raya sa ginaboeobanta nga may kataason nga 11 feet.
Ensaktong nahueog ro biktima sa parte it baeay it anang kaeapitbaeay nga gina-obra ag natuslok ro anang abaga it nakausling steel bar.
Insigida man nga rumesponde sa insidente ro mga tawuhan it Bulacao Lifecare Emergency Team (Bullet), Talisay City Disaster Risk Reduction and Management Office (DRRMO), ag Talisay City Bureau of Fire Protection (BFP) kun sa siin nagagamit pa ro mga raya it hydraulic cutter para mabo-oe ro saesaeon.
