Nagapanindugan si House Speaker Martin Romualdez nga igapatuman ro anang promisa nga obrahon nga permanente ro ₱20 kada kilo it bugas, bilang kaparte it katuyuan ni Presidente Ferdinand Marcos Jr. nga mataw-an it barato nga pagkaon ro kada Pilipino
Sa andang pagkita ni DA Secretary Francisco Tiu Laurel Jr., ag Undersecretary Alvin Balagbag, ginpasalig ni Romualdez nga personal nana nga igaduso ro mga hagna nga magapabaskog sa nasambit nga programa sa paeaabuton nga ika-20nga Kongreso.
Suno kana, raya hay bukon eamang it presyo kundi nga sangka promisa nga nagakinahangean it konkreto nga reporma.
Eakip sa mga laye nga ginaduso hay ro pag-amyenda sa Rice Tariffication Law agud uman nga mataw-an it gahum ro NFA sa pagkontrol it presyo it bugas.
Gindugang pa kara ro importansiya nga mabuligan ro mga mangunguma pinaagi sa mas mayad nga binhi, kagamitan, ag pag-angkon it merkado.
