Ginengganyo it grupo it mga human rights lawyer nga Center for International Law (CenterLaw) ro International Criminal Court (ICC) nga ibasura ro petisyon it dating Pangueong Rodrigo Duterte para sa temporaryong paghilway, sa kabaeakang maga-tuga raya it peligro sa mga biktima, testigo, ag tagadepensa it karapatang pantao angot it imbestigasyon sa war on drugs.
Suno sa CenterLaw, ro posibleng paghulway ni Duterte hay paeag sa seguridad ag dignidad it mga biktima ag posibleng makompromiso ro imbestigasyon ag kaso it crimes against humanity kontra sa dating Pangueo. Indi sigon dapat ubrahoh rason ro edad ag ikamayd nga eawas ni Duterte para makaeuwas sa mga saeabton.
Ginpadumdum it grupo ro mas mabaskog nga pagdusa it mga biktima it drug war nga piñatay nga uwa it due process, ag ginpaandaman ro ICC nga ro pagpahilway kay Duterte hay posibleng mag-tuga it kawad-an it pagsalig sa korte ag mag-tao it maling mensahe nga ro makapangyarihan hay pwedeng makatakas sa hustisya.
Kaibahan ro mga pamilya it biktima, civil society, ag international human rights defenders, nagpanawagan ro CenterLaw sa ICC nga padayunon ro pag-usisa kay Duterte alinsunod sa laye pang-internasyonal.
