-- ADVERTISEMENT --
KALIBO, Aklan — Mabahoe sigon ro posibilidad nga madayun eon ro pagpatindog it tulay sa isla it Boracay.
Suno kay Department of Public Works and Highways (DPWH) Secretary Mark Villar nga patapos eon ro andang ginahimo nga evaluation sa proposisyon it sangka mabahoe nga kompaniya nga plano nga magpatindog it tulay nga magasugpon sa Boracay ag Caticlan sa Malay, Aklan nga nagabalor it kapin P5.5-billion.
Ro tulay nga may habang 1.2 kilometer hay magasirbing all-weather access para sa mga saeakyan ag mga tawong magasueod ag magaguwa sa pamosong tourist destination.
Sa makaron, ro motorbansa eamang ro nagapanguna nga ginagamit nga transportasyon sa pagsueod sa isla.
