NATIONAL News — Pormal eon nga ginbuksan ni Senate President Francis โChizโ Escudero ro 3rd regular session it 19th Congress nga gintambungan it tanan nga 22 pang miyembro it Senado, agahon it Lunes, Hulyo 22, 2024.
Sa pagbukas it sesyon, gin-aprubahan ni Escudero ro daywang resolusyon nga nagahambae nga pormal eon nga ginbuksan it Mataas nga Kapueungan ro sesyon ag dayun nga maga-agto sa Manabang Kapueungan agud nga pamatian ro ikatlong State of the Nation Address ni Pangueong Bongbong Marcos Jr.
Antes nga nagbukas ro sesyon, tig-sambilog nga nag-aeabutan ro miyembro it Senado, apang owa eon si dating Senador Juan Edgardo โSonnyโ Angara nga opisyal nga nagpungko bilang sekretaryo it Department of Education.
Nagsuksok it mga bongggang eambong ro pilang kababayin-an nga mamalidha kaibahan sanday Senador Grace Poe, Risa Hontiveros, Cynthia Villar, Pia Cayetano ag Imee Marcos.
โSisiguraduhin natin na pulido ang batas na makarating sa lamesa ng Pangulo pangunahin dito ang badyet na mabibinepisyuhan at maghahatid ng ginhawa sa ating mamamayan,โ suno kay Escudero sa anang speech.
Pagkatapos it anang speech, temporaryong ginsuspinde ro sesyon it Senado hasta alas-4:00 it hapon agud nga magtambong sa SONA sa Manabang Kapueungan.
Ginmanduan ro lider it Senado ro tanan nga miyembro nga mag-agto sa Manabang Kapueungan bandang alas-3:00 it hapon agud nga pormal nga buksan it uman ro sesyons sa parte it Senado.
