Ginakabig nga maintok eamang nga haega ro ginapatuman nga rollback sa produktong petrolyo.
Raya ro naging reaksyon it grupong PISTON sa anunsyo it pilang oil copmpanies angot sa panibag-ong pagbuhin it presyo sa mga produktong petrolyo makaron nga domingo partikular hinaga it agahon.
Kung siin posibleng magnaba sa kapin P1.70 hasta P1.90 sa kada litro it diesel samtang ro presyo it gasolina hay posibleng magnaba it kapin sa P4.70 hasta P4.90 kada litro.
Suno kay Mody Floranda ro National President it nasambit nga grupo nga apisar nga manami nga balita ro nasambit nga rollback, maeayo pa sigon raya kung ikumpara sa naging maeagkuan nga pagtaas it presyo sa langis ku nagtaliwan nga Enero nga umabot sa haeos P50 per litre sa diesel samtang P49 man sa kada litro it gasolina ag kerosene.
Makadueuda man sigon ro nasambit nga rollback bangud madumduman nga nagpahayag ro Department of Energy nga sa mga masunod nga dominggo hay maka-angkot it mga pagtaas sa presyo it nasambit nga produkto.
Sa pihak nga parte, mabahoe man sa gihapon ro andang pagpasaeamat bangud mabahoe nga bulig para kandang mga drivers ro nasambit nga rollback bangud kapin sa P300 ro igadugang nga kita nanda nga igauli sa andang pamilya.
