Makabig nga “numbers game” ro impeachment cases.// raya ro ginpahayag ni Atty. Axel Gonzalez, sangka political analyst sa Aklan.
Suno kana, gina-istoryahan eamang sigon kara kun pila ro kaapin it sangka akusado kaysa sa pag-tan’aw sa mga nahimo nga pageabag sa laye.
Bangud kara, posibleng mawad-an it bisa ro impeachment it Kongreso pag-abot sa Senado, eabi eon ag nag-baylo raya it liderato.
Dgang pa nana, madja naga-guwa nga ‘scripted’ ro mga hitabo bangud madja ginhungod nga mag-baylo it liderato kat mag-pakita eon sa publiko si Sen. Bato Dela Rosa.
Paathag pa nana, amat-amat eon nga naga-guwa ro pangil ni VP Sara Duterte kun sa siin posibleng malisod eon raya nga ma-impeach bangud nga makabig nga naging kaapin eon nana ro Senado bangud sa pagbaylo it liderato.
Bangud kara, mabahoe sigon ro posibilidad nga mag-tambong eon raya sa impeachment trial apang para sa jurisdictional purpose eamang. Maskin kontra pa sigon nana ro Senado, indi nana raya pwedeng isnabon bangud nga may kapasidad ro Senado nga ipa-aresto imaw kun indi raya mag-pakita.
Ginpunto man ni Atty. Gonzalez nga ginaeauman eon nga insigidang idismiss it Senado ro impeachment maskin nga uwa it magtuhaw pa nga pag-desisyon.
