KALIBO, Aklan — Pamatuod it mas epektibo nga pagpatuman it kasuguan ro haeos 40% nga pagnaba it index crimes sa Western Visayas ko Nobyembre 2025.
Raya ro ginpahayag ni PBGen. Josefino Ligan, hepe it Police Regional Office 6 (PRO6).
Base sa opisyal nga datos halin sa PRO 6, nagnaba it 39.53% ro numero it mga mabug-at nga krimen, kaibahan ro pagpatay, homicide, roberry, theft, ag physical injury.
Base pa sa datus, halin sa 172 nga insidente ko Nobyembre 2024, una eon lang raya sa 104 makaron nga Nobyembre 2025.
Ginpahayag ni Ligan nga ro pagnaba it krimen hay resulta it mas instrikto nga operasyon ag kolaborasyon sa komunidad agud masiguro ro seguridad it mga pumueuyo.
Naghinyo man ro kapulisan sa publiko nga padayon nga mangin mapagbantay ag aktibo nga makipaggbahin sa pagmintinar it kaayusan ag kalinong sa rehiyon.
