Ginklaro it Iran nga uwa pa it pinal nga kasugtanan sa Estados Unidos para daeayon nga tapuson ro kinagamo sa tunga it daywang nasyon, sa pihak it mga report nga maeapit eon rayang matapos.
Suno sa Tehran, may mabahoe eon nga progreso sa negosasyon apang nagapabilin nga uwa pa naaayos ro pilang importanteng isyu.
Padayon man nga ginasueong it Estados Unidos ro pagresolba sa istorya, kaibahan ro seguridad sa Strait of Hormuz ag ro nuclear program it Iran, samtang nagapadayon ro tensyon sa rehiyon tuga it serye it pag-atake ag pagbaeos nga aksyon sa nagtaliwan nga buean.
Nag-umpisa ro krisis matapos ro maeapnagon nga opensiba it US ag Israel kontra sa Iran ku Pebrero, nga ginsabat it Tehran it mga pag-atake sa mga target nga kaalyado it Amerika sa Middle East.
Sa pihak it ceasefire ku Abril, uman nga sumikeab ro mga insidente it baeayluhan it opensiba ku mga nagtaliwan nga adlaw.
