KALIBO, AKLAN —- Normal ro sitwasyon ag sigidas ro monitoring sa mga turista sa isla it Boracay, raya ro ginpahayag ni Police Inspector Pelmelgy Majuk ,Deputy OIC it Boracay Tourist Assistance Center (BTAC).
Suno kay P/Insp. Majuk nga sigidas ro pagmonitor it mga kapulisan sa isla ag ro pagpatigayon nanda it pagpatrolya.
Dugang pa kara, ginapasiguro man sigon it mga bussines establishment sa isla ro siguridad it mga turista.
Naka-full alert man sa makaron ro mga kapulisan sa isla kadungan it pag-abo ku andang mga personel.
Samtang ginpadumdom ni Majuk sa mga pumueoyo nga mangin vigilant sa tanan nga oras.
Indi sigon magkahadlok nga magpaeapit ukon magreport sa mag kapulisan engkaso nga may mabuoe sanda nga impormasyon.
Ginpabutyag man nana nga ro pumueoyo sigon ro daeongan it mga kapulisan.
Dugang pa kara nga may Task Force Boracay sigon nga kung sa siin ro tanan nga mga ahensiya hay kaibahan agud nga masiguro ro siguridad it isla it Boracay.
