Naghaeabyan it basoe ro mansig nga bahin it Israel ag Hezbollah sa Lebanon sa pag-eabag it ceasefire deal tatlong adlaw halin kat ginpatuman raya ku adlaw it Miyerkules, Nobiyembre 27.
Sa bahin i Israel military, pahayag kara nga tinamaan it andang air force ro pasilidad nga ginagamit it Hezbollah nga taeaguan it mid-range rockets sa southern Lebanon ku Huwebes matapos nga eabagon sigon ro ceasefire nga nagtapos sa sobrang sang dag-on nga giyera.
Pahayag man it Israel nga naglunsar raya it pag-atake sa gintawag nanda nga suspek nga may saeakyang paadto sa nagkaeain-eain nga southern zone sa pag-eabag sigon it ceasefire.
Sa bahin man it Hezbollah, inakusahan ni Hezbollah lawmaker Hassan Fadlallah ro Israel it pag-eabag sa kasuduan.
Suno kana, gin-atake it kontra nga Israelis ro mga Lebanese nga nagabalik sa andang border villages.
Ginparatangan man ku ulihi it Lebanese army ro Israel it pag-eabag sa euntat-eukpanay it makapilang beses ku Miyerkules ag Huwebes.
Ro baeayluhan it mga akusasyon sa mansig bahin hay nagapakita it kahinaan it ceasefire nga gintrabaho it US ag France para matapos ro giyera, nga naghalin sa giyera sa Gaza.
