Naglunsar ro Israel it panibag-ong serye it airstrikes sa Lebanon matapos ipahayag ni Israel Prime Minister Benjamin Netanyahu ro mas ginpabaskog nga opensiba kontra sa Hezbollah.
Target sigon it mga pag-atake ro mga imprastraktura ag ginadudahan nga kuta it Hezbollah sa Bekaa Valley ag iba pang lugar, kun siin indi magnaba sa 12 katawo ro namatay sa Mashghara village.
Nagbaeos man ro Hezbollah sa paagi it drone ag rocket attacks kontra sa mga military target it Israel sa naaminhang parte it nasyon.
Sa pihak it naga-iral nga ceasefire, nagapadayon gihapon ro banggi-anay it magtimbang nga bahin samtang nagpaguwa ro Israel it evacuation order sa pilang parte it southern Lebanon bangud sa paeag it panibag-ong airstrikes.
Padayon man nga nagapanawagan ro Lebanon para sa eubos nga pag-atras it mga puwersa it Israel sa southern Lebanon samtang naga-abo ro numero it mga namamatay ag nag-bakwit bangud sa nagaeawig nga tensyon sa rehiyon.
