Nagpaandam ro Israel nga haum kara nga ibalik ro Iran sa “dark ages,” samtang naga-grabe ro tensyon sa tunga it daywang nasambit nga nasyon.
Raya ro ginpahayag ni Israeli Defense Minister Israel Katz, kun sa siin haum ro andang militar nga uman nga umpisahan ro opensiba kontra sa Iran.
Ginpahayag man ni Katz nga “The targets are marked” ag ginahueat eon lang nanda ro pahanugot it U.S. agud nga padayunon ro operasyon.
Dugang pa it Israeli official, tuyo nanda nga eubusan nga pabagsakon ro pagdumaea it dinastiya ni Khamenei.
Samtang, ginaeauman nga magapueong si Israeli Prime Minister Benjamin Netanyahu kaibahan ro mga mataas nga opisyal it seguridad agud nga talakayon ro sitwasyon sa Israel ag Lebanon.
Padayun man nga naga-grabe ro tensyon sa tunga it Estados Unidos ag Iran. Kaibahan sa mga natabu hay ro pag-agaw it US sa mga barkong gina-alegar nga may kargang langis halin sa Iran, kadungan it pagpasarado it uman it Iran sa Strait of Hormuz
Sa pihak it mga naunang pag-atake it Israel nga ginkamatay it pilang mataas nga opisyal it Iran, nagapabilin nga mabakod ro gobyerno it nasambit nga nasyon. Sa pihak kara, nagpaandam si Katz nga ro masunod nga pag-atake hay magiging mas mabagsik ag magatuga it grabeng kahalitan.
