Kapin sa 400,300 nga mga indibidwal ro ginaeauman it Japan government nga magatambong sa state funeral ni dating Prime Minister Shinzu Abe maghalin sa guwa ag sueod it nasyon sa adlaw it Martes.
Magahalin man sa 218 foreign delegations, 35 man kara ro kumpirmadong magatambong sa nasambit nga state funeral.
Kaeakip man sa listahan nga ginpaguwa it Japan government si Vice President Sara Duterte ag ginaeauman nga maga-eupad paagto it Japan nextweek.
Suno kay Bombo International Correspondent Josel Palma it Japan nga apisar nga maabo man ro nagapamaeabag para sa igapatigayon nga state funeral ni dating Prime Minister Shinzo Abe bangud sa mabahoe nga kantidad nga pagagastuhon hay magadayon sa gihapon raya sa Martes.
Sa pihak nga parte, ginhinyu it Japanese government sa tanan nga mga foreign dignataries nga magatambong sa nasambit nga state funeral nga dapat magsuksok sanda it face masks apisar nga nagpahaeuga eon ro nasyon it andang mga restrictions.
Suno kay Chief Cabinet Secretary Hirokazu Matsuno nga padayon gihapon ro daeang paeag it COVID-19 ag para indi eon raya magkahlit pa hay importante ro pagsiksok it face mask.
Apisar nga nagnaba eon ro numero it kaso it COVID-19 sa Japan hay padayon sa gihapon ro pag-engganyo it gobyerno nga magsuksok it face mask
