Sangka high-ranking Japanese financial executive ro nagpahayag it suporta sa Maharlika Investment Fund nga ginasueong ni Pangueong Ferdinand Marcos Jr.
Suno kay House Speaker Martin Romualdez, interesado ro nasambit nga opisyal nga magbutang it negosyo sa sektor it enerhiya sa nasyon.
Nakaistorya sigon nana ro natungdan nga opisyal sa unang gabi-i it pag-abot ni Pangueong Marcos sa Tokyo sa dinner it Philippine delegation nga gin-organisa it Mitsui ag Metro Pacific Investment Corporation.
Dugang pa ni Romualdez nga ro senior financial official hay imaw man ro nagbulig it pagtukodd sa Indonesia Investment Authority nga nag-umpisa sa $5 billion initial funding ag makaron hay lumobo eon sa $20 billion nga may mga co-investments eon halin sa foreign parties.
Kumpiyansa sigon ro negosyanteng Japanese nga maeampasan pa it Maharlika Fund ro Indonesia.
