POLICE Report — Patay ro sangka jeepney driver matapos nga barilon it daywang owa kilaeang mga suspek matapos kara nga buksan ro pwertahan it andang baeay sa Caloocan City, Lunes it aga-aga, Pebrero 17.
Insigidang namatay tuga it naangkon nga daywang tama it bala ro biktimang si John Bryan Pamimtuan, 34, it 1431 Sampaloc Ext., Brgy., 178, Camarin it nasambit nga siyudad.
Padayun man ro back tracking it kapulisan sa mga CCTV camera sa lugar nga pwedeng makabulig agud nga matumod ro pagkatawo ag pagka-aresto sa mga suspek.
Base sa report, bandang alas-2:10 it aga-aga kat matabu ro insidente sa sueod it baeay it biktima.
Ginpahayag dugang it live-in partner it biktima, naga-inuman sanda sa sueod it andang baeay kat may nagpanuktok sa andang pwertahan ag gintawag ro pangaean it biktima.
Insigidang nag-agto ro biktima sa pwertahan ag kat anang buksan hay dayun imaw nga ginbaril it mga suspek nga nagresulta sa anang hinali nga kamatayon samtang madasig nga nagpaeagiw ro mga suspek paagto sa Reparo Road, Camarin sakay it sangka motorsiklo.
Narekober it mga kapulisan sa crime scene ro daywang basiwo it bala halin sa kalibre .45 pistol samtang ginatumod pa ro motibo sa pagpatay sa biktima.
