Pormal eon nga nagpanumpa sa anang bag-ong obligasyon bilang sekretaryo it Department of Health (DOH) si Dr. Jose Pujalte Jr., adlaw it Martes, Hulyo 14, 2026.
Si Pangueong Ferdinand Marcos Jr. ro nagpanguna sa pagpanumpa sa obligasyon ni Pujalte.
Ginbayluhan ni Pujalte si dating Health Secretary Ted Herbosa nga nagresign sa pwesto bangud sa anang ikamayad nga eawas.
Si Pujalte hay una eon sa DoH umpisa pa ko dag-on 1991 ag natapos ro anang orthopedic residency sa Philippine Orthopedic Center ko 1994.
Nagtapos si Dr. Pujalte Jr. sa kursong medisina sa University of the Philippines College of Medicine ag ko ulihi hay nag-angkon it Master’s Degree sa Hospital Administration halin sa Ateneo Graduate School of Business.
Ko 2008 ginkilaea man imaw bilang Career Executive Service Eligible, sangka pamatuod it anang ikasarang ag kahauman sa parehong patag it pagbueong ag public administration.
Nagsirbi man imaw nga manugturo sa University of the Philippines-Manila, FEU Nicanor Reyes Medical Foundation ag San Beda College of Medicine.
