Dismayado si Kabataan Partylist Rep. Atty. Rene Co sa uwa pagtambong ni Vice President Sara Duterte sa naging unang pagpamati sa impeachment complaint.
Suno kana, gina-amulitan malang ro oras it publiko ag hasta makaron hay uwa gihapon nabubuoe ro sabat nga dapat nabuoe kabuhay eon.
Ginbalewala eamang sigon nana raya imbes nga depensahan ro anang kaugalingon kontra sa mga reklamo nga ginpasaka kana.// dugang pa kara nga uwa man gindetalye it bise president ro anang naging sabat sa mga nasambit nga reklamo.
Paathag ni Atty. Co, kaparte raya it due process kun sa siin ginataw-an it chansa ro akusado nga depensahan ro anang kaugalingon.
Kun indi man sigon mag sabat si VP Sara, maga-hueag eamang ro House Committee on Justice base sa mga dokumento, house pleadings, ag ebidensya nga buyot nanda.
