-- ADVERTISEMENT --
KALIBO, Aklan — Nasapwan nga owa eon it kabuhi ro kahero it sangka gasolinahan sa Barangay Marianos, Numancia, Aklan.
Ginkilaea ni PO3 Felizardo Navarra, Jr. it Numancia Police Station ro biktimang si Harry Baldonado, 44, stay-in cashier ag residente it Pontevedra, Capiz.
Ro bangkay it biktima hay nakit-an sa sueod it ginadayunan kara nga cashier’s booth it pump boy nga si John Paul Tocol nga magapasueod eon kunta sa gina-trabahuhan nga gasoline station.
Ginhambae ni PO3 Navarra nga woa it palatandaan nga may natabu nga foul play sa pagkamatay ni Baldonado ag ro duda it mga otoridad hay namatay raya sa sakit sa puso samtang nagakatueog.
Nasayuran nga ku nagtaliwan nga adlaw hay gina-reklamo it biktima ro pagpang gutok it anang dughan.
-- ADVERTISEMENT --
