KALIBO, Aklan — Ginakonsidera it kapulisan nga naging madinaeag-on ro bag-o eamang natapos nga tatlong adlaw nga opening salvo it 2025 Kalibo Sr. Sto. Nino Ati-Atihan Festival celebration sa banwa it Kalibo.
Suno kay P/Major Willian Aguirre, deputy chief of police it Kalibo Municipal Police Station nga sa pihak it pagdagsa it linibo nga mga spectators ag mga participants hay owa it anuman nga major crime incident nga natabu.
Madumduman nga kapin sa 85 nga tribu ag grupo nagpasakop para sa opening salvo.
Ginpahayag ni Aguirre nga hugut nga seguridad ro andang ginpatuman pinaagi sa pagdeploy it haeos 200 nga uniformed personnel halin sa Kalibo MPS, Aklan Police Provincial Office ag iba pang force multipliers.
Ro fireworks display, sadsad sa kalye ag live performances it mga dinapit nga celebritities, banda ag iba pang artist ro nagpasadya sa opening salvo celebration nga nag umpisa ko Oktubre 4 hasta 6.
