Ginsiguro ni House Secretary General Reginald Velasco nga nakahaom eun ro Kamara para sa ikatlong State of the Nation Address (SONA) ni Pangulong Ferdinand R. Marcos Jr.
Sa ginhimo nga SONA inter-agency meeting sa Palasyo it Malakanyang, ginpahayag ni Velasco ro mga ginahimo nga renovations sa Kamara para ma-accomodate ro mga partners halin sa Office of the President (OP) ag Senado.
Nagpasaeamat man si Senate Secretary Renato Bantug sa House of Representatives sa mga pagpahaom nanda para sa nasambitan nga event.
Ginpangutana man ni Presidential Communications Office (PCO) Undersecretary Honey Rose Mercado ro Metro Manila Development Authority (MMDA) sa mga detalye parte sa traffic rerouting plan agud nga mataw-an eun it advisory ro publiko agud makapahaom eun para sa mga himuon nga adjustments sa adlaw it SONA.
Ginreport man it Philippine National Police (PNP) nga una sa 22,000 nga mga police personnel ro andang igadeploy sa eain-eain nga bahin it Metro Manila.
Naghimo man it initial walk-through para sa SONA scenario halin sa pag-abot ni Pangueong Ferdinand Marcos Jr. hasta sa anang talumpati.
Nakataeana sa July 15, 2024 ro final meeting para sa pagpahaom sa SONA 2024.
