Paga-pamaeabagan it kampo ni Pastor Apollo Quiboloy ro extradition request it Estados Unidos nga nagatuyo nga mabuoe ro kustodiya sa pastor, suno sa anang legal counsel nga si Atty. Ferdinand Topacio.
Suno kay Topacio, kaibahan sa andang magiging argumento ro padayon nga mga kasong ginapangatubang ni Quiboloy sa Pilipinas.
Ginpamilit nana nga kinahangean isaalang-alang anay ro mga nakahathat nga kaso sa nasyon maskin may naga-iral nga extradition treaty sa tunga it Pilipinas ag Estados Unidos.
Ginpahayag ni Topacio nga ginahueat eon lang nanda ro summons agud maka-dihon it pormal nga sabat ingkaso mag-pasaka it petisyon ro Department of Justice.
Si Quiboloy hay nagapangatubang sa mga kasong qualified human trafficking ag child abuse sa Pilipinas, samtang sex trafficking, kaibahan ro trafficking it mga menor de edad, ro mga kasong ginapangatubang nana sa Estados Unidos.
