KALIBO, Aklan—Kapin sa 2,000 nga mga pulis nga ginpadaea it Police Regional Office ukon PRO-6 ro opisyal eon nga gindeploy agud nga magbantay sa selebrasyon it Kalibo Sto. Niño Ati-Atihan Festival 2025.
Suno kay P/Lt. Col. Arnel Solis, tagapaghambae it PRO-6 nga ro nasambit nga mga security personnel hay ginpadaea eon sa andang natungdan nga assignments sa bilog nga banwa it kalibo kasunod it send-off ceremony , agahon it Martes, Enero 14.
Ro event hay ginpatigayon sa Camp Pastor Martelino sa Aklan Police Provincial 0ffice nga ginpangunahan ni P/Col. Alexander Mariano, deputy regional director.
Antes ro official send-off, sangka santos nga misa ro ginpatigayon agud nga magiyahan ro mga law enforcement units nga magabantay sa ginakabig nga pinakamabahoe nga dag-unan nga selebrasyon.
Mag-eowas sa mga pulis, nakadeploy man ro nagkaeain-eain nga law enforcement units kapareho it Bureau of Fire Protection, Philippine Navy, Philippine Army, ag mga miyembro it Philippine Coast Guard.
Magigigng kabulig man nanda ro mga miyembro it provincial ag Kalibo Municipal Disaster Risk Reduction and Management Office.
