National News ——-Masobra 2,000 ro panibag-ong kaso it Coronavirus Disease ukon COVID-19 sa Pilipinas.
Sa ulihing datos it Department of Health (DOH) , nag-abot eun sa 391,809 ro confirmed cases it makamaeatay nga sakit sa nasyon.
Sa nasambitang numero, 34,374 ukon 8.8 percent hay aktibong kaso.
2,092 ro bag-ong naireport nga kaso it COVID-19 sa nasyon.
83.6 percent sa active COVID-19 cases ro mild; 9.8 percent ro asymptomatic; 2.5 percent ro severe samtang 4.2 percent ro una sa kritikal nga kondisyon.
Kapin sa 52 man ro namatay.
Bangud kara, nag-abot eun sa 7,461 ukon 1.90 porsyento ro COVID-19 related deaths sa nasyon.
Suno pa sa DOH, 462 man ro nagmayad pa sa COVID-19.
Bangud kara, nag-abot eun sa 349,974 ukon 89.3 percent ro total recoveries it COVID-19 sa Pilipinas.
