KALIBO, Aklan — Nagsaka eon sa 310 porsiyento ro gintaas it kaso it dengue sa probinsiya it Aklan umpisa Enero 1 hasta Agosto 10, 2019 kumpara sa kaparehong tiempo ko nagtaliwan nga dag-on.
Suno kay Dr. Cornelio Cuarchon it Provincial Health Office (PHO)-Aklan nga naga-abot eon sa 4,208 ro nailistang kaso it dengue sa bilog nga probinsiya makaron nga dag-on, kun sa siin, 18 eon ro namatay.
Ro banwa it Kalibo sa gihapon ro may pinakamataas nga kaso nga ginsundan it Banga, New Washington, Balete ag Numancia.
Angot kara, ginpahayag ni Dr. Cuatchon nga posibleng sa masunod nga domingo hay mapaguwa eon ro ginpirmahan nga kasugtanan ni Governor Florencio Miraflores sa 17 nga LGU it Aklan para sa pagpabaskog it “sabayang 4-o’clock habit kontra dengue” nga nagatuyo nga usuyon ag gub-on ro ginapugaran it mga namok.
