KALIBO, Aklan — Nag-abot eon sa 4,980 ro kaso it dengue sa probinsiya it Aklan umpisa Enero 1 hasta Agosto 31 it makaron nga dag-on, base sa listahan it Aklan Provincial Epidemiology Surveillance and Response Unit it Provincial Health Office (PHO).
Mas mataas raya it 337 porsiyento kumpara ko nagtaliwan nga dag-on.
Mag-eowas kara, nagtaas man ro numero it mga namatay bangud sa dengue ag mga kumplikasyon nga daea kara nga nag-abot eon sa 20 makaron nga dag-on.
Nagapanguna gihapon sa listahan ro banwa it Kalibo nga may 981 kaso; ginasundan it Banga nga nakalista it 452 kaso; nagapangatlo ro New Washington nga may 444 kaso; pang ap-at ro Balete nga nakalista it 367 kaso ag Numancia nga may 352 kaso.
Panawagan it PHO nga ugali-on sa gihapon ro paglimpyo sa palibot, pag-usoy ag pagsamad sa mga lugar nga gina-istaran it mga namok nga nagadaea it dengue, self-protection, early consultation ag pag-likaw sa indiscriminate fogging.
