KALIBO, Aklan—Naumpisahan eon ro konstraksyon it seawall sa Poblacion, New Washington.
Raya hay matapos ro pilang dag-on nga pagtiniis it mga residente sa humbak nga nagahampak sa bibi it baybayon nga nagresulta sa paghalin man it kapin sa 70 ka pamilya sa kahadlok sa padayon nga pag-ab-ab it tubi sa eogta.
Suno kay Punong Barangay Alex Dela Cruz it Brgy. Poblacion nga eubus ro andang pagpasaeamat nga nataeopangdan ro andang mabuhay eon nga ginaproblema bangud nga sangkiri eon lang ro espasyo sa tunga it mga panimaeay ag mismong baybayon.
Sa pagtaliwan it mga dinag-on hay maeapad eon ro naab-ab it tubi rason nga ginpakamayad eon lang it mga naga-istar sa lugar nga maghalin para sa andang kaeowasan.
Ro proyekto hay may pondo nga kapin sa P70 milyon pesos sa idaeom it Department of Public Works and Highways ukon DPWH.
