Sa tunga it mainit nga pagpamati sa impeachment kontra kana sa Kamara makaron nga adlaw, ibang mensahe ro ginpaguwa ni Vice President Sara Duterte nga nakasentro sa pagdumdom it Earth Day ag diretsahang pagbatikos sa anomalya sa mga proyekto it gobyerno.
Sa sangka opisyal nga mensahe online, gin-insister it Bise Presidente nga ro pagpanakaw ag pag-uyang sa bilyun-bilyong pisong pondo para sa flood control hay sangka direktang pagtraydor sa mga Pilipinong nakaeksperyensya it malalang kalamidad.
Ginbalikan it bise presidente ro serye it mga kalamidad nga nagpanaeasa sa nasyon, kaibahan ro pagpanaeasa it bagyong Basyang sa Northern Mindanao, kamana man ro bagyong Tino ag Uwan nga nagpanaeasa ko Nobyembre.
Suno kana, ro mga nasambit nga trahedya hay pumatay it haeos 300 nga kabuhi ag sapilitang nagpabakwit sa masobra sang milyong Pilipino sa bilog nga Visayas, Luzon, ag Bicol.
