Ginbasura it Korte Suprema (SC) ro ginpag-ibang petisyon ni Vice President Sara Duterte ag it anang abogado nga naga-kwestyon sa impeachment proceedings sa Kamara, matapos rayang ideklarang moot ukon uwa eon it dapat pagdesisyunan.
Suno sa SC, natapos eon ro papel it Kamara sa proseso it impeachment kat mapadaea kara sa Senado ro Articles of Impeachment, ag nag-umpisa eon man ro pagbista sa Senado bilang impeachment court.
Bangud kara, uwa eon it naga-iral nga isyung pwedeng punggan it petisyon.
Ginklaro it Korte Suprema nga ro desisyon hay uwa naga-tumod sa merito it mga akusasyon kontra kay Duterte ag bukon man awtomatikong nagapa-pag’on sa tanan nga ginhimo it Kamara.
Magapadayon ro pagbista sa Senado, kun siin posibleng kuwestiyunon it depensa ro mga testigo ag ebidensiya it prosekusyon antes magdesider ro mga senator-judges sa kaso.
