Laye sa enterprise-based training ginpirmahan eon ni Pangueong Marcos Jr.

Ginpirmahan eon ni Pangueong Ferdinand Marcos Jr. ro Enterprise-Based Education and Training (EBET) Framework, adlaw it Huwebes, sa Palasyo it Malakanyang.

Ginakabig nga sangka nagapangunang laye it administrasyong Marcos ro Republic Act No. 12063 base sa pagtinguha it gobyerno nga pabaskugon, i-rationalize ag tingubon ro nagkaeain-eain nga enterprise-based training modalities sa sangka framework ukon pagbaeay.

Tuyo kara nga masolusyunan ro job-skills mismatch, igainsister ro pagbueoligan sa sektor it mga stakeholders ag kilaeanon ro ‘indispensable role’ ukon importanteng papel it pribadong sektor sa pagduso it technical-vocational education ag enterprise-based training programs ukon ro mga ginpatuman sa pakikipagbueoligan sa mga kompanya.