KALIBO, Aklan—Ginapahauman eon it lokal nga gobyerno it Kalibo ro pagdumdom sa All Saint’s Day ag All Soul’s Day sa Nobyembre 1 hasta 2.
Suno kay Carla Suñer-Doromal, Executive Assistant to the Mayor, nagapatigayon eon it pueong ro Traffic and Transport Management Division ukon TTMD sa natungdan nga ahensiya it gobyerno agud nga malikawan ro paggutok it daeagan it trapiko eabi pa ag gin-obra nga one-way ro daean pasueod sa San Lorenzo Drive nga kaiping it kalibo municipal cemetery bangud sa relocation it public market.
Mag-eowas kara, may mga traffic and parking management plans eon man sa kahabaon it roxas avenue sa mga baealigyaan it bueak ag iba pang mga lugar nga maeapit sa mga sementeryo .
Samtang, pila suno kana sa mga nakasanayan nga do’s and don’ts sa sueod it sementeryo hay ro pagbawae sa pagdaea it mga mataeum nga hinganiban, baril, aeak , baraha, mga sound system ukon speaker ag iba pa nga pagakumpiskahon sa entrance it sementeryo engkaso nga may mga magadaea it mga raya.
May nakadeploy man sigon nga mga police sa sueod ag guwa it ap-at nga nagapangunang sementeryo kaibahan ro mga miyembro it kalibo auxiliary police, mga barangay tanod ag iba pa agud nga masiguro ro police visibility.
Kamana man ro mga responders ag ambulansiya it MDRRMO-Kalibo, kabulig ro BFP ag iba pang natungdan nga ahensiya it gobyerno.
