Ginlinaw ni Terence Toriano Head it Municial Disaster Risk Reduction and Management Office ukon MDRRMO Kalibo nga bukon pa sigon it award ro habaton it Kalibo kundi sangka recognition pa eamang.
Raya hay ana it sangka private sector sa pagrekognisar.
Maabo man sigon ro mga gin-agyan nanda bago nga makasueod kaibahan ro ibang banwa sa Top 20 finalist.
Pahayag nana nga technical sigon ro basehan it nasambit nga pagrekognisar kung siin nga mga individual implementors ro ginataw-an it dungog.
Pagbida pa nana nga ro MDRRMO it LGU Kalibo ro una nga nahimo ukon nabilog sa Western Visayas.
Pagdumdom man nana nga ro mga nagtaliwan nga mga lideres kaibahan ro presente nga mga nagapungko ro sambilog sa mga nagbulig para marekognisar ro Kalibo.
Paliwanag pa ni Toriano nga uwa pa raya natapos ag sa Enero 2024 pa ro pagtao it award.
Malipayon sigon imaw bangud mabahoe nga pribiliheyo ro pagrekognisar sa andang system.
