KALIBO, Aklan—Ginaeauman eon makaron it lokal nga gobyerno it Malay ro inflax it pag-aeabutan it mga locally stranded individual ukon LSI.
Suno kay Madel Joy Tayco, spokesperson it Malay Inter-agency Task Force on Covid-19 nga ginaekspektar eon nanda ro mabahoe nga numero it mga magaabot nga LSI base sa mga nag-inquire ag nagbueo it letter of acceptance sa munisipyo.
Apang, kinahang-ean it mga raya nga sundon ro nakabaehag nga requirements sa ginpaguwa nga executive order ni Malay mayor Frolibar Bautista nga ginbase man sa executive order nga ginpirmahan ni Aklan Governor Florencio Miraflores.
Obligasyon sigon nanda makaron nga sikyaron ro panimaeay nga paga-ulian it LSI bangud nga as much as possible hay kinahang-ean it mga raya nga ma-isolate ro andang kaugalingon sa sueod it 14 diyas para sa kaeowasan eon man it andang pamilya.
Ginpahayag dugang ni Tayco nga ginarequired eon sanda makaron it RT-PCR test agud nga masiguro it probinsya nga uwa sanda it daea nga virus kamana man mapabilin nga eowas sa makataeapon nga sakit ro Aklan.
