Naglista it record sa kasaysayan it Major League Soccer (MLS) si Lionel Messi ag ro anang koponan nga Inter Miami.
Raya hay matapos nga pyerdihon nanda ro New England Revolutions sa score nga 6-2 sa ulihing adlaw it regular season.
Nakabawi eagi ro Miami kat mabuoe it New England ro abante it daywang puntos.
Pagsueod it second half hay ginpasueod si Messi ag dikato hay madasig ro ginhimo nga hat-trick ag naipasueod nana ro goals sa 78th ag 89th minute.
Ginakabig nga ro 37-anyos nga football star ro all-time leading goal scoreer sa kasaysayan it club.
Naeampasan ni Messi nga may 33 goals ro anang teammate nga si Leonardo Campana nga may kabilugang 32 points.
Bangud sa pagdaog hay raya ro pang 22 sa season nga nagduso sa kabilugang points it Miami nga 74.
Ginbasag nanda ro MLS record nga 73 nga ginbuytan it Revolutions ko 2021.
Ginakabig ni Miami head coach Gerardo Martino ro pagdaog ag record bilang sangka manami nga pamaagi para kapin pa nanda nga pabaskugon ro paghampang.
