Magapungko bilang bag-o nga Prime Minister it United Kingdom si Liz Truss matapos nga mapiyerdi si Rishi Sunak ko nagtaliwan nga Lunes, Septyembre 5, 2022.
Paga-islan ni Truss si outgoing Boris Johnson nga kung madumduman ginpatalsik sa pwesto it mga pumueuyo sa nasambit nga nasyon bangud sa mga discrepancy nga ginapangatubang.
Suno kay Bombo International Correspondent Ramis Isogon it United Kingdom natigayon nga mapiyerdi ni Truss si Sunak matapos nga makaboue raya it 57 porsyento nga boto maghalin sa conservative party samtang 43% eamang ro naboue ni Sunak.
Samtang, sandig man sa naging ulihing diskurso ni Johnson nga kung siin ginpabugae nana kara ro naging serbisyo ag ro anang debusyon sa nasyon sa tunga it mga nag-eontad nga global crisis sa idaeom it anang administrasyon.
Sambilog man sa pagatutukan ni Truss ro ginapangatubang it nasyon nga energy crisis nga ginapatihan nga bangud sigon sa pag atake it Russia sa Ukraine.
Sa pihak nga parte ro 47-anyos nga si Truss hay ro pangatlong babaye nga naging Prime Minister it nasyon kasunod nanday Margaret Thatcher ag Therea May.
